قصه سعاد

أنا مش هبعد عنك يا ماما

سعاد باست راسها وقالت

اسمعي كلامي يا حبيبتي وأنا هجيلك

بعد ما الباب اتقفل أخيرًا بصت لياسين وقالت

اللي ضربني وحبسني كان فؤاد

الكلمة نزلت على ياسين كأنها طلقة

قال بعدم تصديق

إنتي متأكدة؟

هزت راسها وقالت

أنا شميت البرفان اللي بيستخدمه كل يوم ولما فوقت لقيته واقف قدامي وقاللي لو اتكلمتي هتندمي إنتي وبنتك

فضل ياسين ساكت ثواني

كل حاجة كانت بتقول إن نادين هي المذنبة لكن قلبه لأول مرة بدأ يشك

خرج من العيادة من غير ما يحس بفؤاد اللي كان واقف آخر الطرقة يراقب كل حركة

ابتسم فؤاد أول ما شافه خارج وقال

ها يا باشا جاهزة نسلم نادين؟

رد ياسين وهو مخبي انفعاله

لسه… عايز أتأكد من كام حاجة

أول مرة يشوف فؤاد ياسين بيرفض كلامه

وفي اللحظة دي حس إن الخطة بدأت تخرج من إيده

بالليل دخل ياسين غرفة المراقبة بنفسه وطلب كل التسجيلات الأصلية

الموظف قال له باستغراب

الغريب يا فندم إن حد دخل على السيرفر قبل ما حضرتك تطلب التسجيلات بساعتين

مين؟

الموظف بص على شاشة الكمبيوتر واتوتر

الدخول كان من مكتب الأستاذ فؤاد

عين ياسين ضاقت وهو حاسس إن الصورة بتتكشف واحدة واحدة

وفي نفس الوقت كان فؤاد داخل أوضة نادين لوحده

قرب منها وقال بصوت واطي

لو عايزة تعيشي اسكتي ومتفتحيش بقك

نادين بصتله بقوة وقالت

أنا عرفت إنك ورا كل اللي حصل

ابتسم وقال

حتى لو عرفتي… محدش هيصدقك

وفجأة طلع من جيبه حقنة صغيرة ولمعت تحت نور الأوضة

نادين اتراجعت لورا وهي مرعوبة

وفي نفس اللحظة وصل لياسين إشعار على موبايله إن باب غرفة نادين اتفتح باستخدام بطاقة فؤاد… لكنه كان متأخر ثواني قليلة فقط.

ياسين جري بأقصى سرعة ناحية أوضة نادين وهو بينادي الحراس

افتحوا الباب حالًا

لكن أول ما وصل لقى الباب مفتوح

الحقنة كانت مرمية على الأرض

ونادين مختفية

وفؤاد واقف لوحده ووشه مليان قلق مصطنع

قال بسرعة

للأسف هربت يا باشا أول ما دخلت أطمن عليها هاجمتني وخدت سلا*حي وجريت

الحراس بصوا لبعضهم باستغراب لكن ياسين كان مركز في حاجة تانية

الكرسي اللي كانت نادين مربوطة فيه لسه مربوط زي ما هو

ولو كانت هربت بنفسها مستحيل تسيبه بالشكل ده

وقبل ما يتكلم دخل أحد رجال الأمن وهو بيجري

يا باشا… العربية السودا خرجت من البوابة الخلفية من خمس دقايق

سأله ياسين